Server Argjentine (GMC -4 )
Server Canada (GMC -7)
Server Australie (GMC - 16)
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
I vin une radio, che à fat trent’agns
i vin une lenghe, che à fat mil agns
i vin vude la fieste Viva Onde Furlane
i vin vût int di dute Europe, a cjantâ e sunâ al Liet international
i vin tante int che nus scolte e nus clame
i vin tantis robis inmò di fâ
ma i vin tancj amîs, che nus tegnin di cont dì par dì, an par an.
Pal 2012 devente ancje tu un amì di Onde furlane cjolint la tessare de associazion Lenghis dal Drâc. La cuote e je libare a tacâ di dîs euro, e tu judis la tô radio par un an!
Dutis lis informazions http://www.ondefurlane.eu/amis/ o telefonant al 0432 530614
Intun Teatri “Zuan di Udin” folcjât fin ae tierce galarie, si è concludude sabide di sere la edizion 2011 dal Liet International, il festival musicâl plui impuartant a nivel european dedicât ae musiche in lenghe minoritarie.
Sul palc si son alternâts 12 grups in rapresentance di ancjetantis lenghis e regjons di Europe. La serade si è vierte cuntun regâl inspietât: une version splendide di “Tu tramontis” fate dai Mitili FLK insiemi a Lino Straulino e cierts elements dai Luna e un Quarto.
La jam session e à dât principi a une serade musicâl di cualitât ecelente, condote in maniere magjistrâl di Karolina Cernic e Michele Polo che a àn savût presentâ grups, lenghis e gjenars musicâi alternant lenghe furlane e inglese.
I vêrs protagoniscj dopo, a àn cjapât e inmagât il public cu lis lôr performance. A àn viert il concors i Noid, grup interessant kareliano che al unìs lis sonoritâts de lenghe veps ae energjie dal rock plui contemporani. E’ stade dopo la volte di Rezia Ladine, zovin cjantant jazz dal cjanton svuizar dai Grisons, che al à inmagât il public cu la sô vôs intense.
La energjie al stât pûr dai Coffeschock company al à scjassât il Teatri, compliçs ancje i di là sessante supperter rivâts in maniere direte dal Burgenland. Atmosferis plui soft e rangjament tant perfet cun Priska e la sô “Hajira”. Dal Friûl si è passâts dopo aes atmosferis scozesis cui Macanta: sîs elements che a tornin a interpretâ la musiche gaeliche doprant i stumenti de tradizion. I sami Rollfa, invezit, a àn inmagât il public cuntune version tant moderne e contaminade, dal joik, il cjant tradizionâl sami de Laponie.
Infin, la gare si è sierade cui ritmis irlandês di Aoife Scott silabâts di violin e percussions. Il spietâ par cognossi i nons dai doi vincidôrs e je stade jemplade di une esibizion inedite di hip hop: mc’s e breakdancers a àn scjassât il foyer dal teatri. Furlan, sart, ocitan e frison si son messedâts e amalgamâts sul palc a dimostrazion di cetant che vitâi, universâls e versatilis a sedin chestis lenghis. Infin lis premiazions. Sfide al ultin vôt pal prin premi, assegnât de jurie internazionâl, che e à premiât la cjantautore frisone Janna Eijer e il so toc 1 klap. Seconts dome cun doi ponts di distac i udmurti Silent Woo Gore.Vincidôrs assolûts dal premi dal public (sedi chel presint in sale, sedi chel che al à votât on line sul sît www.liet.nl) i cravuats dal Burgenland Coffeschock Company.
I premis a son stâts consegnâts dal president de ARLeF, dott. Lorenzo Zanon, e di mr. Alexey Kozhemyakov, Cap de Segretarie de Cjarte europeane pes lenghis regjonâls o minoritariis dal Consei di Europa. La serade e je stade un grant sucès, a dimostrazion de professionalitât dai organizadôrs (Radio Onde Furlane e Cooperative Il Cjamp), ma soredut a dimostrazion de vitalitât des lenghis minoritariis europeanis.
Apontament al an prossim cul Liet International 2012.
Lenghis dal Drâc – Amîs di Onde Furlane e je une associazion che no à fins di vuadagn nassude par judâ Radio Onde Furlane cu la racuelte di fonts; la organizazion di events, concierts, mostris, dibatits o cors; la produzion di periodics, ricercjis, e libris; la colaborazion a nivel locâl e internazionâl cun ents e cun associazions che a lavorin par finalitâts similârs.
Il Soci Ordenari cuntune donazion di 50 euro al à dirit di votâ intes assembleis par fâ bon il rindicont anuâl, par mudâ il statût e par nomenâ i organisims diretîfs. La adesion e je a timp indeterminât. Tu sarâs visât vie pueste eletroniche su la prossime assemblee.Il Soci Sostignidôr jude la associazion e la radio cuntune donazion di dome 10 euro l’an e nol à dirit di vôt e no partecipe a lis assembleis.
Se tu vuelis fâ une donazion, l’IBAN di Radio Onde Furlane al è: IT 35 U 07601 12300 000018955336. Cun chest an che al ven si podarà lassâi a Lenghis dal Drâc – Amîs di Onde Furlane ancje il 5 par mil.
Se tu âs gust di vê plui informazions, o par mandânus coments e conseis scrivinus a: lenghisdaldrac@gmail.com e ten di voli il sît www.ondefurlane.eu .
Grazie pal jutori che tu nus dâs.
Salûts di cûr!
Chi tu tu puedis cjatâ il statût par talian de associazion
statuto associazione lenghis dal drâc- Amîs di Onde Furlane
|
download: Statuto lenghis dal Drâc (48.96KB) added: 19/04/2011 clicks: 397 description: |
Liet International 2011 Udin
Liet 2011
Sîts amîs
Radio Onde Furlane e je une testade gjornalistiche indipendente che di 30 agns e lavore ogni dì a pro de lenghe e de culture furlanis e par une informazion libare e indipendente.
I tais de Regjon a lis emitentis privadis par i programs radiotelevisîfs in lenghe furlane a stan metint in dificoltât cheste struture e il lavôr professionâl di 7 dipendents a timp indeterminât e cuasi 30 colaboradôrs volontaris.
Colpî Onde Furlane al è ancje un dam pe libertât e pe pluralitât de informazion in Friûl, dulà che a son cuasi sparîts i orghins di informazion indipendents dai grancj grups editoriâi.
Onde Furlane no parten a nissun podê politic e e à voie di continuâ a contâ ai siei scoltadôrs il Friûl e il mont par furlan.
Par fâlu e à bisugne dal jutori dai siei scoltadôrs e di ducj chei che i tegnin a une informazion libare:
- spedint une buste a Radio Onde Furlane, vie Volturno 29, Udin
- cuntun versament sul cont corint postâl n. 18955336 intestât a Informazione Friulana soc. coop.
- comprant lis nestris produzions editoriâls e musicâls
