Informazione Friulana. Ativitâts istituzionâls

La Cooperative “Informazione Friulana” e à chê di promovi e di svilupâ la lenghe furlane e cun chê ancje la culture, la informazion e la partecipazion. Cun chescj intindiments e je ative tal cjamp radiofonic, ma ancje in altris setôrs de comunicazion, de produzion culturâl, de documentazion, de educazion e de agregazion.

La ativitât di Radio Onde Furlane e je chê principâl. E je chê che si le viôt e che si le scolte di plui. A tacâ dal 1980, cu la radio, la lenghe furlane e ven doprade par contâ il Friûl e il mont, intune maniere dinamiche, vivarose e no convenzionâl. Un tant al zove ae comunicazion e ae informazion, ma ancje ae lenghe furlane stesse, che e je une lenghe vive propit parcè che si le dopre tant che lenghe “normâl”.
Di in chê volte, dentri e fûr de radio, la lenghe e ven doprade ancje par produsi e par promovi culture, par tignî relazions cul mont, par cognossi e par fâ cognossi il teritori e ancje te suaze di progjets educatîfs, di iniziativis di comunicazion istituzionâl, di colaborazions di ogni sorte cun sogjets publics e privâts, in Friûl e inaltrò.
social shares
Torne insomp de pagjine