Publicitât

Onde Furlane e je une radio nassude intal 1980 cun chê di valorizâ e di difindi il teritori, la culture e lis lenghis dal Friûl.

Di 30 agns Radio Onde Furlane e jentre ogni dì intes cjasis dai furlans par informâju e par fâur cognossi dutis lis musis dal Friûl. Lu fâs cun programs, cun musiche di cualitât e cuntune professionalitât ricognossude sei a nivel talian, che a nivel internazionâl.

Onde Furlane e je une realtât dal dut origjinâl intal panorame radiofonic regjonâl.

Jessi radio comunitarie al vûl dî cjapâsi sù doi oblics no di pôc, ven a dî: produsi di bessôi almancul il 50% des trasmissions e tignî il nivel de publicitât sot dai 3 minûts par ore, cuintri dai dodis des radios comerciâls.

Lis radios comunitariis, propit pal nivel bas di publicitât, a son tra i mieçs miôr par judâ a visâsi dai messaçs promozionâi.

O podìn dî, duncje, che la nestre emitente e je tra lis miôr par svilupâ campagnis publicitariis leadis a prodots di cualitât. Il so segnâl al cuvierç une teritori là che a son a stâ 600 mil personis, ma la radio si pues scoltâle in dut il mont in gracie dal streaming che si cjate sul sît www.ondefurlane.eu .

Su la fonde di inchiestis fatis a nivel european sui mieçs di comunicazion in lenghe minoritarie, Radio Onde Furlane e ven segnalade cuntune scolte medie setemanâl di 70 mil personis.

In plui des campagnis promozionâls e publicitariis par mieç di spots radiofonics, e je la pussibilitât di frontâ cierts argoments ancje cun aprofondiments dentri dai nestris spazis di informazion. Programs di cheste fate a àn un impat inmò plui fuart che no messaçs che a durin 30 seconts.