Convoy

Condusût:

In onde:
Joibe - 15:00
Sabide - 20:00

Descrizion

Convoy al è un program su la storie e su lis storiis, che si disvilupe ator di une propueste musicâl che e ten dongje il spazi radiofonic e la esplorazion di cetancj criteris di narazion, de peraule dite ae pagjine scrite, dal cine ae fotografie, dal fumut aes scritis sui mûrs.
E je une altre maniere di presentâ il mistîr di vivi di Giorgio Olmoti, che za sul finî dai agns Otante al veve contât lis sôs storiis su Onde Furlane e che cumò al tire dongje contis e testemoneancis ator pal mont, ancje cu la complicitât di ospits e vôs svoladiis.
La scomesse plui grande dal program e je di doprâ la radio par contâ lis imagjins. Giorgio Olmoti, cuntune esperience di fotograf e di professôr di storie de fotografie alì de Universitât di Turin, al cîr di contâ il vuê cui timps di esposizion dai scats iconics de contemporaneitât.
Al è alc che al funzione in maniere scalembre e daûr di un percors che nol rispiete ad in plen il rigôr di une scjalute di programazion e che al torzeone jenfri imagjins e contis.

www.giorgiolmoti.blogspot.com
www.fotolmoti.blogspot.com

Altris trasmissions
Coments
blog comments powered by Disqus
social shares
Torne insomp de pagjine