L’Europa batte dove la lingua duole

Condusût:

In onde:

Descrizion

Pier Paolo Pasolini al scriveve che «fevelâ furlan al vûl dî fevelâ latin». Di almancul cuarante agns incà, cun chê di ricognossi e di promovi il valôr de lenghe furlane, si podarès dî che «fevelâ furlan al vûl dî fevelâ european». Chest al vâl in particolâr se si ten cont des conessions une vore strentis che a son, in gjenerâl, tra la tutele des minorancis, la promozion des lenghis minoritariis e il procès di integrazion europeane e, plui in detai, propit par ce che al tocje lis rivendicazions di autodeterminazion e di tutele e i principis, i indreçaments e lis politichis a pro de diversitât culturâl, dai diris linguistics e dal autoguvier des comunitâts teritoriâls.
Propit il rapuart tra integrazion europeane, tutele des minorancis e autoguvier al è l’argoment che al ven frontât dentri di Friûl_Furlanija_Friaul_Friuli, l’Europa batte dove la lingua duole, une trasmission che e à chê di meti dongje aprofondiment teoric, divulgazion storiche, informazion e intratigniment.
Il program, curât e condusût de bande di Marco Stolfo, al fâs part dal progjet Friûl_Furlanija_Friaul_Friuli, l’Europa batte dove la lingua duole. Identitât, autoguvier, teritori e citadinance europeane, metût adun de bande de associazion di promozion sociâl e culturâl KLARIS cul contribût de Provincie di Udin, cun chê di proponi ocasions di cognossince e di riflession sul pluralisim linguistic e culturâl, sui dirits linguistics, su la citadinance europeane su la relazion tra unitât europeane, diversitât culturâl, partecipazion civiche e autonomiis teritoriâls.

Altris trasmissions
Coments
blog comments powered by Disqus
social shares
Torne insomp de pagjine