Licôf

Condusût:

In onde:
Joibe - 10:15
Sabide - 16:30

Descrizion

Al è un magazine radiofonic setemanâl che al conte di inovazion tecnologjiche e sociâl, media e rêts sociâls, conetivitât personâl continuade, aministrazion publiche e citadinance partecipative, e-Government e e-Democracy, comunicazion e culture digjitâl.
“O sin ducj a stâ dentri de Rêt eletroniche planetarie, il web al è la cjase gnove là che o parecjìn i nestris spazis sociâi e la nestre identitât. Benvignût mont 2.0! Screìn une gnove ete digjitâl.”

Una volta si diceva “navigare in rete”, ma tale termine non è più adeguato: ora in rete abitiamo nelle nostre case digitali, dove allestiamo stabilmente la nostra identità, dove esprimiamo noi stessi e ci costruiamo una riconoscibilità e una reputazione. Festeggiamo quindi il “licôf” (la festa che si fa in Friuli quando si arriva a finire il tetto di una casa), inaugurando una nuova epoca per l’umanità.
Une volte si diseve “navigâ” in internet ma chel verp vuê nol sodisfe plui, nol è plui adeguât. La idee dal web tant che di un mâr di esplorâ, di archivis e
bibliotechis eletronichis come isulis di visitâ e forsit botinâ, no corispuint plui ai nestris compuartaments presints.

Navigants deventâts gnûfs abitants
Nô vuê o sin a stâ in maniere stabile in Rêt. Li dentri o vin la pueste, la bancje, il Comun e lis impresis, gjornâi e libris, il cine e la radio. In vincj agns o vin costruît sul web lûcs di socialitât frecuentâts di milions di personis, placis e tinei dulà che ogni dì o partecipìn al dibatiment public, leìnt e comentant chel che altris a àn scrit. Nô stes o produsìn contignûts che dopo o publichìn intes nestris gnovis cjasis digjitâls, sui blogs e sul social networks che o frecuentìn.
In Rêt si sin costruîts une identitât sociâl, o vin cjatât fûr o coltivât afiets e relazions, o vin une reputazion e o savìn a cui dâ fiducie. O esprimìn in libertât nô stes intes conversazions, e ben planc o sin daûr a deventâ cussients dai nestris dirits tant che citadins digjitâi.

La novitât
Cheste vision plui clare e leibile dal nestri fâ e pues jessi riferide – benintindût – ancje a subiets amplis tant che lis coletivitâts umanis, ai atôrs sociâi e aes comunitâts locâls che, in gracie de Rêt, a àn vuê struments partecipatîfs vierts e democratics par dâ imagjin e par contâ in maniere mediatiche il lôr concret jessi a stâ sul teritori. Finalmentri, e pues vignî fûr une identitât sociâl pardabon polivocâl e pluraliste, intai gnûfs Lûcs dal teritori digjitâl.
Ma se o vin gnovis cjasis indulà jessi a stâ, alore e covente une inaugurazion.

Licôf digjitâl
Intal mont fisic, il licôf al è celebrât tal moment de costruzion dal cuviert de cjase, ma o sin ancjemò lontans dal podê la a stâ, stant che ancjemò a àn di jessi finidis lis struturis internis, i implants, il furniment. Intal mont digjitâl, vint a ce fâ cun ogjets e ambients imateriâi, o savìn ben che, di là de publicazion di un sît o di un blog che si pues simpri tornâ a viodi e miorâ, il vêr impegn al è intal mantigniment de comunicazion, par “furnî” in mût simpri plui comut i Lûcs di socialitât dal web, par introdusi intal dialic public contignûts di cualitât.
Chest licôf digjitâl, segn di un impegn, al mostre la promesse di un lavôr intal timp, come che intal timp si davuelç la azion dal jessi a stâ, chel mantignî e vê cure dai teritoris vuê sedi fisics che digjitâi dulà che o vivìn e dulà che o esprimìn nô stes, inte civîl conversazion.

Plui informazions

Altris trasmissions
Coments
blog comments powered by Disqus
social shares
Share with your friends










Inviare
Torne insomp de pagjine