Une radio pe scuele

Tra promozion de lenghe furlane e dal plurilinguisim, informazion di servizi e ’supuart pes ativitâts didatichis cul furlan ’su comunicazion, teritori e ambient, a son diviersis lis ocasions di contat tra Onde Furlane e lis scuelis.

Inte ’suaze des iniziativis di caratar promozionâl al merete segnalât Radio Dîs. Al è un progjet fat cul jutori de ARLeF (Agjenzie Regjonâl pe Lenghe Furlane), che ’tal è dut intun spetacul interatîf, trasmission radiofoniche e inchieste itinerante ’sul rapuart che a àn i zovins cu la lenghe native e cun chês altris lenghis feveladis in Friûl. Tra il 2010 e il 2011 Dek Ill Ceesa e Michele Polo a son lâts ’ator pes scuelis dal Friûl par presentâ la produzion culturâl contemporanie par furlan e par tirâ dongje opinions ’su la lenghe furlane e ’su esperiencis e percezions linguistichis.

Un esempli di informazion di servizi ’tal è invezit il program E cumò… ce scuele fâstu?, metût adun cu la colaborazion de Provincie di Udin cun chê di dâur aes scuelis secondariis di secont grât la pussibilitât di presentâsi e di contâ lis carateristichis, daûr di une logjiche di indreçament scolastic pes fantatis e pai fantats che a àn di sielzi ce scuele fâ.

Altris progjets che a tocjin il mont de scuele a tegnin dongje trasmissions radiofonichis e iniziativis specifichis di animazion linguistiche e di promozion de leture pai fruts tant che Flabis a mirinde, cu lis contis e lis filastrocjis de tradizion furlane, selezionadis e letis di Lussia di Uanis. Al cjale bande la scuele e plui in gjenerâl in direzion de promozion de leture ancje il progjet Mariflabis, metût adun cul Comun e cu la Biblioteche di Glemone.

social shares
Torne insomp de pagjine